Ársskýrsla RA ses 2017

skulatumnn ekkideli

Ársskýrsla ReykjavíkurAkademíunnar ses. (RA) fyrir árið 2017 er komin út. Í skýrslunni er starfsemi RA rakin í máli og myndum og rekstrarstaða stofnunarinnar gerð góð skil. Líkt og fyrri ár var ritun skýrslunnar í höndum framkvæmdastjóra RA en Svandís Nína Jónsdóttir hefur gegnt þeirri stöðu frá 2016. 

Eftir hagræðingaraðgerðir stjórnar varð viðsnúningur í rekstri RA ses árið 2017. Hagnaður af rekstri var um 1,6 m. kr. borið saman við 3,5 m. kr. tap árið á undan.  

Smellið hér til að lesa skýrsluna

 

 

 

 

 

Öndvegiskaffi RA 22. febrúar kl. 12:00-13:00

Ferð hetjunnar - Hero's Journey

bjorg arnadottirÍ Öndvegi fimmtudaginn 22. febrúar næstkomandi mun Björg Árnadóttir segja frá ferðalagi sínu sem hófst árið 2011 með þátttöku í
Evrópuverkefninu ,,BASICS – bibliodrama as a way of intercultural learning". Nú tekur Björg þátt í afar spennandi verkefni ,,HIT – Hero, Inclusion and
Transformation" sem snýst um að laga hugmyndir goðsagnafræðingsins þekkta, Joseph Campbel  og aðferðir
leikhússmannsins Paul Rebillot að fullorðinsfræðslu og vinnu með jaðarsettu fólki og öllum almenningi.
Björg fjallar einnig um hvernig hún beitir þeim aðferðum sem hún hefur kynnst í Evrópuverkefnunum
í kennslu sinni hérlendis. Samkvæmt venju hefst kaffispjallið kl. 12:00 stundvíslega í Bókasafni Dagsbrúnar á 4. hæð í Þórunnartúni 2. 

Veitingar í boði. 

 

RA skrifar undir samstarfssamning við Eflingu - stéttarfélag

Undirritun samningsÁ dögunum skrifaði ReykjavíkurAkademían undir endurnýjaðan samstarfssamning við Eflingu - stéttarfélag um varðveislu Bókasafns Dagsbrúnar til næstu þriggja ára. Bókasafnið er sérfræðisafn á sviði atvinnulífsrannsókna og verkalýðsmála.

Markmið safnsins er tvíþætt. Annars vegar að halda utan um og gera aðgengilegt, gott safn heimilda um stjórnmála- og atvinnusögu sem og verkalýðsbaráttu íslenskra launamanna að fornu og nýju og þannig styðja við möguleika á rannsóknum á þeim sviðum. Hins vegar að þjóna fræðimönnum, háskólanemum og almenningi sem áhuga hafa á því sviði sem safnkostur safnsins spannar. 

Efling hefur verið dyggur stuðningsaðili RA frá árinu 2003 þegar fyrsti samningurinn um vörslu bókasafnsins var undirritaður. 

  

 

Demónar fjalla um jafnrétti og áhrif #metoo

Okkar ágætu demónar, Guðbjörg Lilja Hjartardóttir, stjórnmálafræðingur, og Þorgerður Þorleifsdóttir, sagnfræðingur, leggja jafnréttisbaráttunni lið. Í síðustu viku sat Guðjörg Lilja í pallborði ásamt Önnudís G. Rúdolfsdóttur á hádegisfundi þar sem Cynthia Enloe flutti frábært erindi um #meetoo byltinguna. Í pallborði tengdu þær Lilja og Annadís erindi Cynthiu við stöðuna á Íslandi og þá vitundarvakningu sem kom í kjölfar #metoo. Í gær (7. mars) hélt dr. Þorgerður Þorvaldsdóttir erindi á Jafnréttisþingi 2018. Þar fjallaði hún um #metoo byltinguna þar sem hún vék m.a. að því að #metoo byltingin hefði hrist rækilega upp í stoðum feðraveldisins og að áhrifa hennar muni að öllum líkindum gæta hérlendis um langa hríð. 

LiljaCinthyaAnnadis

 ThorgerdurMBL

 

 

Á jaðrinum? Ráðstefna um óleyfisbúsetu í atvinnuhúsnæði í Norræna húsinu 17. nóv

BorginReykjavíkurAkademían og Reykjavíkurborg blása til ráðstefnu föstudaginn 17. nóvember næstkomandi um óleyfisbúsetu í atvinnuhúsnæði.

Skortur á leiguhúsnæði og hátt leiguverð veldur því að óhefðbundið búsetuform er vaxandi vandamál hérlendis. Talið er að hópur efnalítilla Íslendinga og erlent verkafólk búi við slíkar aðstæður. 

Ráðstefnan er mikilvægur áfangi í umfangsmikilli úttekt RA á þessu vaxandi samfélagslega vandamáli. Helstu samstarfsaðilar RA og Reykjavíkurborgar í verkefninu eru Slökkvilið höfuðborgarsvæðisins, Hagstofa Íslands, Þjóðskrá Íslands, Vinnumálastofnun, ASÍ, Starfsgreinasamband Íslands, Retor fræðsla ehf., ásamt mörgum fleiri. 

Aðalfyrirlesari á ráðstefnunni er Gillian Young frá Newhaven Research í Skotlandi. Gillian er öflugur fræðimaður á sviði húsnæðismála og búsetu í óleyfilegu húsnæði, þá sérstaklega þegar kemur að búsetuskilyrðum erlends verkafólks. 

Ráðstefnan verður haldin í sal Norræna hússins. Aðgangur ókeypis og allir velkomnir.  

Sjá dagskrá

FaLang translation system by Faboba