Undanfarnar vikur og mánuði hefur farið fram lífleg umræða um ótal hliðar þeirrar kreppu sem nú geisar. Umræðan hefur víða verið málefnaleg, en einnig mótast af hagsmunagæslu, vanþekkingu og slagorðum. ReykjavíkurAkademían hrindir nú af stað fyrirlestraröð í þeim tilgangi að varpa fræðilegu ljósi á ýmsar grundvallarspurningar sem tengjast efnahagshruninu sem hætta er á að verði að víðtæku samfélagshruni. Fenginn verður einn fyrirlesari til að hafa framsögu. Síðan munu valdir sérfræðingar fengnir til að spyrja gagnrýninna spurninga um efnið fram að kaffihléi en eftir hlé verða almennar fyrirspurnir og umræður.

Gammablossar er fyrirlestraröð í ReykjavíkurAkademíunni. Fyrirlestrarnir fara fram fyrsta miðvikudag hvers mánaðar frá klukkan 12.05-13.00

Rannsóknaverkefnið Ísland og ímyndir Norðursins hlaut öndvegisstyrk Rannís fyrir árin 2007-2010. Innan þess starfa um 20 fræðimenn, innlendir og erlendir, sem beina sjónum sínum að margvíslegum hliðum ímynda Íslands. Veturinn 2008-2009 stendur rannsóknahópurinn fyrir fyrirlestrum í ReykjavíkurAkademíunni þar sem bæði þátttakendur í verkefninu og fleiri fræðimenn ræða þessi efni. Fyrirlestrarnir eru mánaðarlega.