ReykjavíkurAkademían býður félögum sínum á námskeið í notkun Google- vefpóstsins þriðjudaginn 7. apríl klukkan 16.00. Google vefpóstur er af mörgum talinn bera höfuð og herðar yfir önnur póstforrit og nú gefst félögum í ReykjavíkurAkademíunni tækifæri til að kynnast forritinu og læra að nota það.

Mánudaginn 9. mars mun ReykjavíkurAkademían - félag sjálfstætt starfandi fræðimanna bjóða meðlimum sínum upp á kynningarnámskeið á svonefndum landsaðgangi að rafrænum gagnasöfnum og tímaritum. Námskeiðið fer fram í sal ReykjavíkurAkademíunnar Hringbraut 121,4. h. og mun standa frá kl. 16 - 17:30.

Aðgangurinn er í gegnum vefslóðina hvar.is. og er opinn og endurgjaldslaus notendum sem eru tengdir vefnum í gegnum íslenskar netveitur.
Hvar.is veitir aðgang að fullum texta greina úr fleiri en 14.000 tímaritum auk útdrátta úr greinum o.fl..

Birgir Björnsson, umsjónarmaður landsaðgangs og starfsmaður Landsbókasafns Íslands - Háskólabókasafns mun kynna landsaðganginn og möguleika hans við öflun fræðilegra heimilda.

Akademónar nær og fjær eru eindregið hvattir til að nýta sér tækifærið til að skerpa á þekkingu sinni og færni við það frábæra tæki til vísinda og
fræðistarfa sem landsaðgangurinn er. Áhugasamir eru beðnir að skrá sig á heimasíðu RA, akademia.is, fyrir hádegi fimmtudaginn 5. mars. Fjöldi þátttakenda verður takmarkaður og því er mikilvægt að ganga frá skráningu sem fyrst. Þeir sem vilja og hafa tök á eru beðnir að koma með fartölvur sínar korteri fyrir upphaf námskeiðs til að ganga frá nettengingum.

Smellið hér til að skrá ykkur á námskeiðið.