News

Wasteland with Words. A social history of Iceland

Nú er komin í Bóksölu stúdenta og víðar ný bók eftir Sigurð Gylfa Magnússon sagnfræðing sem heitir:

Wasteland with Words. A social history of Iceland.

Bókin er gefin út af Reaktion Books útgáfunni á Englandi (sjá: http://www.reaktionbooks.co.uk/book.html?id=412) og er komin í almenna sölu um allan heim.

Nú þegar hafa birst ritdóma um hana í The Times og í tímaritnu The Economist (sjá:

http://www.economist.com/culture/displaystory.cfm?story_id=16213940&fsrc=rss).

Verð bókarinnar í Bóksölunni er kr. 4990.

http://www.boksala.is/DesktopDefault.aspx/tabid-8/prodid-63287/

Að græða á daginn og grilla á kvöldin: Nýfrjálshyggjan sem menningarlegt fyrirbæri 10. júní

Attac á Íslandi og ReykjavíkurAkademían kynna:
Fyrirlestraröð um "Einkavæðing, markaðsvæðing, heimsvæðing"

Í maí og júní mun Attac á Íslandi gangast fyrir röð fyrirlestra. Þeir munu fjalla um einkavæðingu, markaðsvæðingu og hnattvæðingu undanfarinna áratuga.

Þriðji fyrirlesturinn verður haldinn í ReykjavíkurAkademíunni, Hringbraut 121, frá kl. 20:00 - 21:30 fimmtudaginn 10. júní í fyrirlestrarsal á 4. hæð.

Magnús Sveinn Helgason hagsögufræðingur flytur fyrirlestur undir heitinu

„Að græða á daginn og grilla á kvöldin: Nýfrjálshyggjan sem menningarlegt fyrirbæri"

Magnús Sveinn Helgason, sagnfræðingur, veltir fyrir sér með hvaða hætti nýfrjálshyggjan setur svip sinn á menninguna og hugmyndir okkar um samfélagið og stjórnmálin. Hann mun meðal annars velta því fyrir sér hvernig afpólítísering (depolitization) samfélagsins síðan á níunda áratugnum hefur greitt götu nýfrjálshyggjunnar og þeirri spurningu hvort atburðir vetrarins 2008-9 hafi markað tímamót í þessu tilliti.