Sjálfsmynd þjóðar


Dagana 15.-16. nóvember nk. verður haldin ráðstefna í Skálholtsskóla undir yfirskriftinni Sjálfsmynd þjóðar. Ætlunin er að fjalla um þjóðarhugtakið, sjálfsskilning þjóðar og sjálfsmynd. Ætlunin er að líta til baka yfir farinn veg, en einnig horfa til nútíðar og ekki síður framtíðar. Reykjavíkurakademían, tímaritið Glíman og Skálholtsskóli hafa kallað saman þverfaglegt teymi sérfræðinga til að fjalla um málið út frá ólíkum sjónarhornum, m.a. frá sjónarhorni guðfræði, mannfræði, þjóðfræði, sagnfræði, lögfræði, bókmenntafræði, stjórnmálafræði og heimspeki.

Dagskráin hefst á sunnudag kl. 15.30 og henni lýkur um kaffileitið á mánudag. Allt áhugafólk er boðið velkomið. Fullt verð með gistingu og fæði er kr.: 10.500.-

Read more ...

Upprisa Kistunnar

Menningar- og fræðavefritið Kistan gengur nú í endurnýjun lífdaga og í dag er fyrsti starfsdagur nýrrar Kistu. Við ríðum á vaðið með viðtali við leik- og söngkonuna Charlotte Gainsbourg, aðalleikkonu Antichrist, auk þess sem Þröstur Helgason tekur við kefli Kistulúðans þessa vikuna. Þessu til viðbótar verða ritdómar og ávarp nýs ritstjóra þennan fyrsta dag nývaknaðrar Kistu, en það verður þó aðeins byrjunin - það bíða fleiri greinar birtingar og enn fleiri eru í smíðum, það hefur sjaldan verið meiri þörf á aukinni menningar- og þjóðfélagsumræðu, vonandi bætum við þar einhverju við.

Read more ...

Lýðræði með raðvali og sjóðvali kemur út á spænsku

Bókaútgáfan Ediciones Gondo á Spáni hefur gert samning við Björn S. Stefánsson um að gefa út Democracia con elecciones de fila y elecciones de fondos, en svo nefnist Lýðræði með raðvali og sjóðvali á spænsku. Auk þess sem ritið verður prentað, verður það sett á netið og selt þar - vegna hins spænskumælandi heims, sagði í tilboði útgáfunnar. Nánari upplýsingar má finna á heimasíðu Lýðræðissetursins http://www.abcd.is/

Gammablossar 23. október

Í Gammablossum föstudaginn 23. október flytur Böðvar Bjarki Pétursson, forstöðumaður Kvikmyndaskóla Íslands, fyrirlestur um Kvikmyndanám á háskólastigi. Fyrirlesturinn fer fram í hátíðarsal ReykjavíkurAkademíunnar og stendur yfir frá klukkan 12.05-13.00.

Read more ...

Fyrirlestur um skapandi dans 15. október

Íslenska dansfræðafélagið í samvinnu við ReykjavíkurAkademíuna boðar til opins fyrirlestrar um skapandi dans. Fyrirlesari er Guðbjörg Arnardóttir, danskennari og skólastjóri Listdansskóla Hafnafjarðar. Fyrirlesturinn verður haldinn fimmtudaginn 15. október 2009 frá klukkan 20:30 til 22:00

Fyrirlesturinn verður haldinn í húsnæði Reykjavíkur Akademíunnar á 4. hæð JL húsinu, Hringbraut 121, 107 Rvk.

Svartárkot: Hógvær innrás í stað útrásardrambs

Í Svartárkoti í Bárðardal er aðsetur verkefnis sem heitir Svartárkot, menning - náttúra og hófst haustið 2005, í samstarfi ReykjavíkurAkademíunar og ábúenda þar. Hugmyndin er að reisa í Svartárkoti rannsókna- og kennslusetur með sambúð manns og náttúru að meginviðfangsefni og halda alþjóðleg verkefni á háskólastigi. Meginmarkmið verkefnisins eru tvö: Annars vegar að byggja upp nýstárlegar og öflugar rannsóknir og kennslu þar sem íslensk viðfangsefni eru rannsökuð í alþjóðlegu ljósi og hins vegar að tengja setrið við aðra uppbyggingu í Bárðardal og Þingeyjarsveit, ekki síst í ljósi þess að svæðið hefur átt undir högg að sækja undanfarin ár. Þar má nefna skólabúðir sem starfræktar eru í gamla skólahúsinu í Kiðagili, almenna ferðaþjónustu, svokallaða "jarðferðamennsku" (geotourism) sem verið er að byggja upp, megininngang að Vatnajökulsþjóðgarði, og uppbyggingu menntaferða, sem eru nátengdar fræðilegum viðfangsefnum setursins. Óhætt er að segja að í Svartárkoti fléttist saman hið staðbundna og hið hnattræna.

Read more ...

Gagnrýnin hugsun: ímyndir og fordómar

Viltu öðlast leikni í að greina ímyndir og fordóma og skerpa gagnrýna hugsun? Vinna að betra samfélagi? Opni háskólinn í háskólanum í Reykjavík í samstarfi við Reykjavíkurakademíuna býður upp á nýtt og spennandi 9 klst. námskeið í gagnrýnni hugsun, ímyndum og fordómum. Kennsla fer fram í húsnæði Háskólans í Reykjavík dagana 5., 6. og 8. október 2009 kl. 17:00 - 20:00.

Read more ...

FaLang translation system by Faboba