Af sjónarhóli Láru
Föstudaginn 5. október síðastliðinn hélt
dr. Lára Magnúsardóttir
forstöðumaður Rannsóknaseturs Háskóla Íslands á Norðurlandi vestra
hádegisfyrirlesturinn
„Náttúran í eigin rétti:
Stjórnarskrá á mannamáli.“
Upptöku af fyrirlestrinum má nálgast HÉR
Undanfarin tvö ár hefur Lára unnið að þeirri tilraun í sagnfræðirannsóknum sínum að beita greiningaraðferðum á samtímamálefni sem hún hafði fram að því notað til að greina miðaldaheimildir og þegar frumvarp til stjórnlaga var lagt fram hófst hún handa við að kanna II. kafla frumvarpsins sem ber heitið “Mannréttindi og náttúra”. „Mannréttindi“ er yfirþjóðlegt hugtak sem segir fyrir um samband mannsins við yfirvöld og hefur „manninn“ að eiginlegu viðfangsefni. Skilgreining mannréttindahugtaksins liggur í Mannréttindayfirlýsingu Sameinuðu þjóðanna og undirliggjandi er skilgreining á „manninum“. Mannréttindahugtakið er þar af leiðandi fyrirfram bundið og því hlýtur að orka tvímælis ef Íslendingar kjósa að fjalla um annað en mannréttindi í stjórnarskrárkafla um það efni.
Af sjónarhóli
er ný röð hádegisfyrirlestra ReykjavíkurAkademíunnar
þar sem vísinda- og fræðimenn taka fyrir málefni líðandi stundar.
—