Sjálfstæðar rannsóknir, einkum í hug- og félagsvísindum eru meginmarkmið ReykjavíkurAkademíunnar. Kjölfestan er rannsóknir og ritstörf einstaklinga sem þeir afla fjár til sjálfir, úr ýmsum rannsóknasjóðum. Fræðimennirnir eru menntaðir í helstu greinum hug- og félagsvísinda og búa að þekkingu frá öllum heimshornum.  Því koma saman í Akademíunni ólík fræðasvið sem saman skapa þverfaglega samræðu um fræðileg málefni samfélagsins í nútíð og fortíð. Samstarf fræðimanna er vaxandi og innan Akademíunnar er auðvelt að byggja upp rannsóknarhópa og hvers konar vinnuhópa með litlum fyrirvara.

ReykjavíkurAkademían býður upp á faglega umsýslu með verkefnum sem styrkt eru af innlendum og erlendum rannsóknarsjóðum.