(354) 562 8565 ra@akademia.is
  1. Forsíða
  2.  » 
  3. Um stofnunina
  4.  » Sagan

Sagan

 

Sagan

[Texti í vinnslu]

Frá stofnun hefur markmið ReykjavíkurAkademíunnar verið nýta kraftar vel menntaðra fræðimanna í hug- og félagsvísindum og að búa þeim starfsumhverfi sem auðveldar sjálfstætt starfandi fræðimönnum að láta til sín taka. Á þeim forsendum hefur ReykjavíkurAkademían verið mikilvægt kennileiti í menningar- og menntalandslagi alls landsins, fyrst í JL-húsinu við Hringbraut en frá árinu 2014 í Þórunnartúni 2. Þar hefur Akademían hýst margvíslega starfsemi sem flokkast undir fræði- og menningarstarfsemi í víðri merkingu þótt kjölfestan sé og hafi verið fræðilegar grunnrannsóknir innan ólíkra greina félags- og hugvísinda.

Árið 2006 var skipulag Akademíunnar breytt. Komið var á fót sjálfseignarstofnun  sem fékk nafnið ReykjavíkurAkademían ses. Frá sama tíma hefur Félag ReykjavíkurAkademíunnar (FRA) séð um að skipuleggja fjölbreytt félagsstarf og ýmiss konar viðburði á vegum Akademíunnar.

 

Fræðimenn í flæðarmáli: Saga ReykjavíkurAkademíunnar 1997-2007

ReykjavíkurAkademían kom sér fyrir í JL-húsinu við Hringbraut, óx þar og dafnað og varð á nokkrum árum mikilvægt kennileiti í menningar- og menntalandslagi alls landsins. Í bókinni Fræðimenn í flæðarmáli: Saga ReykjavíkurAkademíunnar eftir Dr. Árna Daníel Júlíusson sagnfræðing og einn af stofnendum Akademíunnar, er tilurð, saga og starfsemi Akademíunnar fyrstu 10 árin rakin og sett í vítt mennta- og menningarsögulegt samhengi. Fræðimenn í flæðarmáli kom út 2009 og er 115 blaðsíður í allstóru broti, prýdd fjölda mynda og litprentuð. Ein helsta niðurstaða verksins er sú að RA hafi komið sem ferskt afl annars vegar með þá kröfu að kraftar vel menntaðra fræðimanna í hug- og félagsvísindum yrðu nýttir enn betur, og hins vegar með því að búa þessum fræðimönnum starfsumhverfi sem auðveldaði þeim að láta til sín taka.