Sólveig Ólafsdóttir framkvæmdastjóri er höfundur skýrslunnar. Í henni er ítarlegt yfirlit yfir starfsemi RA, daglegan rekstur, starfsmannahald og helstu rannsóknarverkefni innan RA. Einnig er í skýrslunni yfirlit yfir ráðstefnur og málþing sem haldin voru í ReykjavíkurAkademíunni á árinu 2010.
Í skýrslunni er einnig gerð grein fyrir starfsemi Félags ReykjavíkurAkademíunnar auk þess að helstu verkefni fræðimanna eru tíunduð í sérstöku fylgiskjali með skýrslunni.
Árið 2010 var ReykjavíkurAkademíunni rekstrarlega mjög þungt í skauti og einkenndist starfsemin af mikilli óvissu um hvort hún ætti einhverja framtíðarmöguleika. Í árslok leit jafnvel út fyrir að leggja þyrfti starfsemina niður á aðalfundi 2011 vegna rekstrarerfiðleika og húsnæðisvandræða. Það sem af er árinu eru horfurnar mun hagstæðari fyrir ReykjavíkurAkademíuna og munar þar mest um algera endurskipulagningu á rekstri, nýjan húsaleigusamning og síðast en ekki síst nýjan og metnaðarfullan styrktarsaming við mennta- og menningarmálaráðuneytið.
Ný stjórn ReykjavíkurAkademíunnar var kjörin á aðalfundi 15. apríl síðastliðinn
Stjórnina skipa:
Viðar Hreinsson bókmenntafræðingur, formaður.
Dr. Davíð Ólafsson sagnfræðingur,
Þorgerður Þorvaldsdóttir kynjafræðingur
Dr. Hallfríður Þórarinsdóttir mannfræðingur,
Dr. Gunnþóra Ólafsdóttir landfræðingur
Emma Björg Eyjólfsdóttir meistaranemi í heimspeki
Dr. Sigurður Gylfi Magnússon sagnfræðingur
Framkvæmdastjóri ReykjavíkurAkademíunnar er Sólveig Ólafsdóttir sagn- og menningarstjórnunarfræðingur
Árskýrslu ReykjavíkurAkademíunnar má finna í heild sinni hér.