Fyrirlestraröð um “Einkavæðing, markaðsvæðing, heimsvæðing”
Í maí og júní mun Attac á Íslandi gangast fyrir röð fyrirlestra. Þeir munu fjalla um einkavæðingu, markaðsvæðingu og hnattvæðingu undanfarinna áratuga.
Fyrsti fyrirlesturinn verður haldinn í ReykjavíkurAkademíunni, Hringbraut 121, frá kl. 20:00 – 21:30 fimmtudaginn 13. maí í fyrirlestrarsal á 4. hæð.
Anna Karlsdóttir landfræðingur við Háskóla Íslands flytur fyrirlestur undir heitinu
„Fyrirtækjaræði og lögleysur félagslegrar ábyrgðar í samtímanum.”
Fyrirlesarar í þessari röð auk Önnu Karlsdóttir verða Guðmundur Jónsson prófessor í sagnfræði, Magnús Sveinn Helgason hagsögufræðingur og Viðar Þorsteinsson heimspekingur.
27. maí: Guðmundur Jónsson prófessor í sagnfræði við Háskóla Íslands flytur fyrirlestur undir heitinu “Hnattvæðingin og efnahagslegt öryggi Íslendinga.” Í fyrirlestrinum ætla Guðmundur að fjalla um hugtakið efnahagslegt öryggi og skoða í sögulegu samhengi hvaða þættir hafa helst stuðlað að áhættu og óöryggi í íslensku efnahagslífi.
10. júní: Magnús Sveinn Helgason hagsögufræðingur heldur fyrirlestur, efni nánar auglýst síðar.
24. júní: Viðar Þorsteinsson heimspekingur flytur fyrirlestur undir heitinu „Nýfrjálshyggjan er ekki til.”