Í HLJÓÐI
Á degi íslenskrar tungu, föstudaginn 16. Nóvember verður opnuð
sjónlýsingarsýning á samtímalistaverkum, tveimur bókum, hljóðmynd og kvikmynd í Hoffmannsgalleríi ReykjavíkurAkademíunni,
Hoffmannsgallerí er samstarfs-rými ReykjavíkurAkademíunnar og Myndlistaskólans í Reykjavík.
Sýningin stendur frá 16. Nóvember 2012 til janúarloka 2013.
Opnun sýningarinnar verður 16. nóvember frá klukkan 16.00 – 18.00
Hoffmannsgallerí er á fjórðu hæð, í húsnæði ReykjavíkurAkademíunnar (lyfta er í húsinu).
J.L. Húsinu
Hringbraut 121
107 Reykjavík
Nánari upplýsingar um Hoffmannsgallerí:
https://akademia.is/index.php/is/fraedasetrid/hoffmannsgalleri/um-hoffmannsgalleri
Um sýninguna: Framangreind sýning verður haldin á samtímalistaverkum. Henni verður sjónlýst (e. audio described) og er kynnt sérstaklega félagsmönnum Blindrafélagsins.
Sjónlýsing er aðferð við að lýsa sjónrænu efni í orðum. Þannig er hún nokkurnskonar þýðing sjónræns efnis, sem jafnframt má kalla þýðingu eins miðils í annan.
Sýningin hlaut styrk úr Nýsköpunnarsjóði Námsmanna sumarið 2012
Sjólýsingu semur Didda H. Leaman.
Sjónlýsingu les Þórunn Hjartardóttir.
Opnunnartímar Hoffmannsgallerís eru virka daga frá 9:00 – 17:00
Sýningarstjóti, Didda H. Leaman
Gemsi: 6955828
Tölvupóstfang: Hoffmannsgalleri@gmail.com
Á sýningunni eru samtímalistaverk eftir 10 listamenn og nokkur þeirra eru hljóðverk.
Sýnendur eru:
Anna Líndal
Anna Hallin
Eygló Harðardóttir
Olga Bergmann
Kristinn G Harðarson
Sólveig Aðalsteinsdóttir
Þórunn Björnsdóttir
Þórunn Hjartardóttir
Louise Harris
Hrafnkell Sigurðsson
Á sýningunni verður einnig hljóðmynd eftir Arnþór Helgason,frumgerð bókar Höllu Siggu Margrétardóttur Haugen, Skoðum líkamann, bók um mannslíkaman, fyrir blind og sjónskert börn og bók þeirra Eyþórs Kamban Þrastarsonar og Hlyns Þórs Agnarssonar, Kennslubók í tónfræði fyrir blinda. Á opnun sýningarinnar verður kvikmyndin In Sound / Með hljóði, 2011, sýnd. Myndin er 22 mínútna löng og er gerð af mannfræðingnum Carlo A. Cubera og hljóðlistamanninum Patrick McGinley. Kvikmyndin var unnin með aðstoð Kerti, sjónskertrar konu sem hefur allt sitt líf búið í Tallin í Eistlandi. Saga kvikmyndarinnar er hljóðmynd úr lífi Kerti. Kvikmyndin er án myndar, þ.e. hún er kvikmynd með umhverfishljóðum og töluðu máli. Málið sem talað er, er eistneska, en enskur texti fylgir myndinni. Textinn sem fylgir myndinni hefur verið þýddur á íslensku og verður lesinn með sýningu myndarinnar.
Myndin verður sýnd mánaðarlega á meðan sýningin stendur yfir, eða eftir samkomulagi.
Sjónlýsingu sýningarinnar er hægt að nálgast á heimasíðu Blindrafélagsins, þar sem hægt er að hlaða henni inn á síma, Ipod eða MP3 spilara og taka með á sýninguna.