Arnór Gunnar Gunnarsson er sjálfstætt starfandi sagnfræðingur og fæst m.a. við myndaritstjórn og aðra aðstoð við útgáfu fræðirita. Samhliða því vinnur hann að eigin rannsóknum, um þessar mundir um viðhorf Íslendinga og Dana til gríska sjálfstæðisstríðsins 1820-1830, en það var jafnframt efni MA-ritgerðar hans við Columbia-háskóla. Hann hefur áður rannsakað samband Íslands og Bandaríkjanna á 9. áratug síðustu aldar, einkum hið svokallaða Rainbow Navigation-mál, en það var einnig efni BA-ritgerðar hans við Háskóla Íslands.
ReykjavíkurAkademían býður Arnór velkominn í hóp fræðimannanna í Þórunnartúni 2.