Jón Kristinn Einarsson
Jón Kristinn Einarsson vinnur um þessar mundir að útgáfu bókar um séra Jón Steingrímsson og aðkomu hans að neyðaraðstoð vegna Skaftárelda, sem kemur út hjá Sögufélagi og byggir á BA-ritgerð hans við Háskóla Íslands. Hann er einnig að ljúka ritun á yfirliti um sögu íslenskra kosningalaga með áherslu á kjördæmaskipan og aðferðir við úthlutun þingsæta í Alþingiskosningum. Þá tekur hann að sér skráagerð fyrir fræðirit. Jón hefur í haust meistaranám í Evrópusögu við Columbia-háskóla í New York, á styrkjum frá Fulbright-stofnuninni og Stofnun Leifs Eiríkssonar.
ReykjavíkurAkademían býður Jón Kristinn velkominn í hóp sjálfstæðra fræðimanna í Þórunnartúni 2.