(354) 562 8565 ra@akademia.is
  1. Forsíða
  2.  » 
  3. Borgarmálaþing
  4.  » ÖLLUM TIL HEILLA samtal um samfélagslistir

ÖLLUM TIL HEILLA samtal um samfélagslistir

ÖLLUM TIL HEILLA samtal um samfélagslistir
FOR THE BENEFIT OF ALL BEINGS conversation on participation

FUNDARÖÐ MEÐ UMRÆÐUM

Á vormánuðum 2022 stendur ReykjavíkurAkademían fyrir fundaröð um samfélagslistir í samvinnu við Reykjavíkurborg og Listahátíð í Reykjavík auk þess sem fleiri stofnanir og félagasamtök koma að fundaröðinni. Björg Árnadóttir, rithöfundi og ritlistarkennara stýrir fundaröðinni en hún hefur langa reynslu af því að beita skapandi aðferðum til valdeflingar jaðarsettra hópa.

Samfélagslistir (e. community art/participatory art) verða skoðaðar frá ólíkum sjónarhornum og sjónum beint að mikilvægi listsköpunar við inngildingu jaðarsettra (e. social inclusion). Meginmarkmiðið er að leggja grunn að skilningi á þeirri samfélagslegu nýsköpun sem samfélagslistir teljast, ræða um menningarleg mannréttindi, skoða hvað er á döfinni á sviði samfélagslista hérlendis og erlendis og stefna saman ólíkum hugsmunaaðilum til skrafs og ráðagerða.

Málþingið er ætlað fagfólki sem vinnur að því að gæta hagsmuna og að valdefla jaðarsetta einstaklinga og hópa. Tilgangurinn er tvíþættur, um leið og fjallað verður um markvissa beitingu skapandi aðferða til valdeflingar jaðarsettra er skapaður vettvangur fyrir fagfólk til þess að ræða sameiginlegar áskornir og lausnir.

Dagskráin samanstendur af fimm viðburðum. Upphafs- og lokaviðburðir sem er auglýstur sem hluti af dagskrá Listahátíðar í Reykjavík verða staðbundnir en hinir þrír fundirnir verða sendir út í streymi.  Allt efnið verður þýtt og textað, á íslensku og ensku eftir atvikum, til að sem flestir hérlendis og erlendis fái notið streymisraðarinnar enda er markmiðið að stuðla að víðtæku samtali og samvinnu um inngildingu jaðarsettra með aðferðum listanna.

Fundirnir fimm verða aðgengilegir á síðu ÖLLUM TIL HEILLA-verkefnisins, í þrjá mánuði eftir að fundaröðinni lýkur. Þar verður hægt að skrá sig í umræðuhóp streymisraðarinnar, skrá þátttöku og greiða fyrir veitingar á upphafs- og lokafundi.

Þátttaka í fundaröðinni er ókeypis en skráning er forsenda þess að hægt sé að halda vel utan um áhugasama þátttakendur.

DAGSKRÁ (í vinnslu)

I HUGMYNDAFRÆÐI OG GILDI SAMFÉLAGSLISTA
Morgunverðarfundur miðvikudaginn 16. febrúar kl. 8:30-10:30.

Fundarstjóri: Björg Árnadóttir, ReykjavíkurAkademíunni
Hugtakið samfélagslistir kynnt og hugmyndafræðin rædd. Fagfólk hittist, fræðist og þéttir raðir sínar.
Fundi slitið með opnun umræðuhóps,

II SAMFÉLAGSLISTIR Í FRÆÐUM OG FRAMKVÆMD
Miðvikudaginn 16. mars kl. 13:00 í streymi.

Fundarstjóri: N.N
Fræði um samfélaglistir og framkvæmd þeirra skoðuð og spurt hvort Ísland sé lengra komið í fræðum en framkvæmd.

III SÓLSKINSSÖGUR AF AKRINUM
Miðvikudaginn13. apríl kl. 13:00 í streymi.

Fundarstjóri: Björg Árnadóttir, ReykjavíkurAkademíunni
Áralangt samstarf ReykjavíkurAkademíunnar við Divadlo bez domova (Theater with No Home) í Bratislava, Slóvakíu. Sigrar og sögur úr grasrótinni.

IV ÁVINNINGUR OG ÚTGJÖLD
Miðvikudaginn 11. maí kl 13:00, í streymi.

Fundarstjóri: N.N.
Rætt um samfélagslegan ávinning af samfélagslistum, um samfélagslega nýsköpun, menningarleg mannréttindi og hvar fé megi finna til fjármögnunar listsköpunar á jaðrinum.

V MÖGULEIKAR HINS ÓMÖGULEGA – ALLT ER HÆGT!
Kvöldverðarfundur 15. júní kl. 18:00-21:00.

Fundarstjóri: N.N.
Lítil listahátíð auk samtals um persónulegt og samfélagslegt gildi þess að skapa og njóta lista.

Björg hefur netfangið bjorg [hja] akademia.is

(Nánari upplýsingar koma síðar)

SKRÁNING

Þátttaka í fundaröðinni er ókeypis en skráning er forsenda þess að hægt sé að halda vel utan um áhugasama þátttakendur. Nánari upplýsingar koma síðar.

 

VETTVANGUR FAGFÓLKS

Málþingið er ætlað fagfólki sem vinnur að því að gæta hagsmuna og að valdefla jaðarsetta einstaklinga og hópa. Tilgangurinn er tvíþættur, um leið og fjallað verður um markvissa beitingu skapandi aðferða til valdeflingar jaðarsettra er skapaður vettvangur fyrir fagfólk til þess að ræða sameiginlegar áskornir og lausnir. Nánari upplýsingar koma síðar.

UM SAMFÉLAGSLISTIR

(Nánari upplýsingar koma síðar)

 

UM FYRIRLESARANA

(Nánari upplýsingar koma síðar)

 

SAMSTARFSAÐILAR 

(Nánari upplýsingar koma síðar)