Nú í janúar tók ReykjavíkurAkademían þátt í vinnustofu á vegum Erasmus+ undir nafninu Theatre against Youth Homelessness. Vinnustofan var skipulögð af Divadlo bez domova (Heimilislausa leikhúsinu) í Bratislava og auk Íslendinga og Slóvaka sóttu Tékkar, Slóvenar, Ungverjar, Spánverjar og Ítalir vinnustofuna sem snerist um að nota skapandi aðferðir í vinnu gegn heimilisleysi.
Björg Árnadóttir tók þátt í vinnustofunni fyrir hönd ReykjavíkurAkademíunnar ásamt Guðrúnu Þorgerði Ágústsdóttur og Ragnheiði Elfu Arnardóttur, félagsráðgjöfum hjá Reykjavíkurborg.
![Vinnustofa gegn heimilisleysi](https://www.akademia.is/wp-content/uploads/2020/03/Vinnustofa-gegn-heimilisleysi-300x199.jpg)
Björg, Guðrún Þorgerður og Ragnheiður Elfa ásamt öðrum þátttakendum í vinnustofunni Theater against Youth Homelessness í Bratislava.