„Verulega nytsamleg þekking“: Marxismi, fjöldahreyfingar og samskipti aktívista og fræðimanna

Sociology - Laurence Cox

 

Laugardaginn 21. mars kl. 14:00 heldur írski félagsfræðingurinn Dr. Laurence Cox fyrirlestur í ReykjavíkurAkademíunni, Þórunnartúni 2, 4. hæð (í húsakynnum Bókasafns Dagsbrúnar). Í fyrirlestrinum verður fjallað um starf Dr. Cox á sviði þáttökurannsókna og aðgerðanáms. Dr. Laurence Cox stýrir MA- og Ph.D. námi við National University of Ireland Maynooth. Stúdentar taka þátt í hinum ýmsu fjölda- eða félagshreyfingum og samþætta þar fræðilegar rannsóknir og aktívisma. Þetta gefur aktívistum færi á að vera virkir í fullu námi/starfi á nýjan og mjög skapandi hátt. Dr. Cox ritstýrir tímariti þar sem fjallað er um einstakar rannsóknir og mun í fyrirlestrinum m.a. fjalla um dæmi um góðan árangur af slíkum þáttökurannsóknum.

Dr. Laurence Cox er höfundur og ritstjóri fjölda bóka og hefur sjálfur verið aktívisti frá því fyrir 1990.

 

Nánar um fyrirlesturinn:

Read more...

Innflutningsboð 21. janúar 2015

Innflutningsboð ReykjavíkurAkademíunnar og Bókasafns Dagsbrúnar sem haldið var miðvikudaginn 21. janúar heppnaðist vel og var ánægjulegt að sjá hvað margir af vinum og velunnurum Akademíunnar komu til að fagna með okkur í nýja húsnæðinu. Fleiri myndir úr boðinu má finna á fésbókarsíðu RA. Endilega fylgið okkur á facebook

Dagur B. Eggertsson borgarstjóri, Davíð Ólafsson stjórnarformaður RAses og Sesselja G. Magnúsdóttir starfandi framkvæmdarstjóri RAfretttexti

                 Rannveig Lund, Þráinn Hallgrímsson skrifstofustjóri Eflingar og Sigurður Bessason stjórnarformaður Eflingartexti

Fréttatilkynning um stofnun Félags doktora í tónlist (FDTÍ)

Félag doktora í tónlist á Íslandi var stofnað 5. október sl. Markmið félagsins er að efla tónlistarrannsóknir og tónlistarmenntun á háskólastigi, styrkja stöðu þeirra sem lokið hafa doktorsnámi í tónlist og nýta þann mannauð sem felst í þessari menntun. Á stefnuskrá FDTÍ er t.a.m. undirbúningur stofnunar doktorsnáms í tónlist og samstarf við menningar- og menntastofnanir innanlands og erlendis. 
 
Félagið mun ennfremur álykta um mál sem snúa að tónlistarmenntun og rannsóknum á háskólastigi og standa vörð um faglega hagsmuni félagsmanna. Stjórn og varastjórn FDTÍ skipa: Dr. Nína Margrét Grímsdóttir, píanóleikari og formaður; Dr. Kjartan Ólafsson, tónskáld; Dr. Sigurlaug Regína Friðþjófsdóttir, tónlistarfræðingur; Dr. Ragnheiður Ólafsdóttir, tónlistarfræðingur; Dr. Berglind María Tómasdóttir, flautuleikari. 
 
FDTÍ býður tónlistarfólk með doktorspróf búsett á Íslandi og erlendis velkomið í félagið. Fyrirspurnir sendist á This email address is being protected from spambots. You need JavaScript enabled to view it." target="_blank">This email address is being protected from spambots. You need JavaScript enabled to view it.

Nýárskveðja RA

20141217 145300

 

Við óskum félögum, samstarfsaðilum og velunnurum RA gleðilegs árs og farsældar á nýju ári. Þökkum samskiptin og samstarfið á árinu sem er að líða. Með kveðju úr nýjum heimkynnum að Þórunnartúni 2, 105 Reykjavík

Dagsbrúnarfyrirlesturinn 2014

unnamed

 

Sumarliði R. Ísleifsson fjallar um bókina Sögu Alþýðusambands Íslands miðvikudaginn mynd af bókinni 12. nóvember kl. 12:05 í ReykjavíkurAkademíunni Þórunnartúni 2, 2. hæð

Sumarliði R. Ísleifsson er sagnfræð­ingur. Hann hefur sinnt rannsóknum á ímyndum Íslands, en auk þess hefur hann fjallað um sögu atvinnulífs, stjórnmála og verkalýðshreyfingar á 20. öld. Hann skrifaði sögu Alþýðusam­bands Íslands sem kom út í tveimur bindum á síðasta ári. Í vor sem leið lauk hann doktorsprófi í sagnfræði frá Háskóla Íslands.

Í fyrirlestrinum mun Sumarliði fjalla um tilgang þess að skrifa sögu verkalýðshreyfingarinnar og lýsa því hvernig verkið er byggt upp. Hann mun einnig fjalla um nokkur helstu þemu sem birtast í verkinu, helstu viðfangsefni verkalýðshreyfingarinnar og hvernig henni vegnaði í baráttu sinni. Þá mun hann ræða um skipulag hennar, hvernig til tókst við uppbyggingu hreyfingarinnar og einnig um sérkenni hreyfingarinnar samanborið við nágrannalöndin.
Allir velkomnir!

Að fyrirlestrinum standa auk Bókasafns Dagsbrúnar, Efling-stéttarfélag og ReykjavíkurAkademían.