Föstudaginn 10. júní 2022 fer fram doktorsvörn við Sagnfræði- og heimspekideild Háskóla Íslands. Þá ver Sólveig Ólafsdóttir fyrrum framkvæmdarstjóri ReykjavíkurAkademíunnar ses. doktorsritgerð sína í sagnfræði, „Vald og vanmáttur. Eitt hundrað og ein/saga á jaðri samfélagsins 1770-1936“. Vörnin fer fram í Hátíðasal í Aðalbyggingu Háskóla Íslands og hefst kl. 14:00.

Andmælendur við vörnina verða dr. Íris Ellenberger, dósent við Háskóla Íslands, og Páll Björnsson, prófessor við Háskólann á Akureyri.

Doktorsritgerðin var unnin undir leiðsögn dr. Sigurðar Gylfa Magnússonar, prófessors við Hugvísindasvið Háskóla Íslands. Einnig voru í doktorsnefnd Guðrún V. Stefánsdóttir, prófessor við Menntavísindasvið, Ólafur Rastrick, dósent við Félagsvísindasvið, og Vilhelm Vilhelmsson, forstöðumaður Rannsóknaseturs HÍ á Norðurlandi vestra.

Steinunn Kristjánsdóttir, forseti Sagnfræði- og heimspekideildar, stjórnar athöfninni.