(354) 562 8565 ra@akademia.is

Loading Events

« All Events

  • This event has passed.

Elías Mar, hinsegin bókmenntir og hinsegin módernismi

21. nóvember 2019 kl. 12:00 - 13:00

Ásta Kristín Benediktsdóttir

Andspænis hjartslætti tilverunnar: Elías Mar, hinsegin bókmenntir og hinsegin módernismi er heiti hádegisfyrirlesturs Dr. Ástu Kristínar Benediktsdóttur um rithöfundinn og prófarkalesarann Elías Mar (1924-2007) sem var áberandi í íslensku menningarlífi á síðustu öld og einn af elstu Íslendingunum sem tjáðu sig opinberlega um eigin sam- eða tvíkynhneigð.

Í fyrirlestrinum fjallar Ásta Kristín Benediktsdóttir um samkynja langanir og hinsegin þemu í skáldsögum Elíasar, Eftir örstuttan leik (1946), Man eg þig löngum (1949) og Vögguvísu (1950), auk ýmissa útgefinna og óútgefinna texta frá fyrstu höfundarárum hans. Verkin eru sett í sögulegt samhengi auk þess sem þau eru notuð til að varpa ljósi á líf Elíasar sem tvíkynhneigðs rithöfundar á þessum árum. Færð eru rök fyrir því að ritun og útgáfa bókanna hafi haft veruleg áhrif á mótun sjálfsmyndar Elíasar og að í augum hans og sögupersóna hans hafi listræn reynsla og tjáning verið mikilvægur hluti af því að vera hinsegin. Elías lagði mikla áherslu á að skrifa „aktúelar“ bækur sem tækjust á virkan hátt á við samtímann og í erindinu er því haldið fram að líta megi á þetta viðhorf og birtingarmyndir þess í verkunum sem hinsegin módernisma – viðbragð Elíasar við því að vera í kynferðislegri jaðarstöðu á Íslandi um miðja 20. öld.

Fyrirlesturinn byggir á niðurstöðum doktorsritgerðar Ástu í íslenskum bókmenntum, „Facing the Heartbeat of the World. Elías Mar, Queer Performativity and Queer Modernism“, sem hún varði við Háskóla Íslands og University College Dublin 1. nóvember síðastliðinn. Rannsóknin var styrkt af Rannsóknarnámssjóði. Leiðbeinendur voru Bergljót Kristjánsdóttir, prófessor við Íslensku- og menningardeild HÍ og Anne Mulhall, lektor við School of English, Drama and Film í UCD.

Ásta Kristín Benediktsdóttir (f. 1982) er íslenskufræðingur með doktorspróf í íslenskum bókmenntum. Hún starfar sem stundakennari við Háskóla Íslands, prófarkalesari og sjálfstætt starfandi fræðimaður hjá ReykjavíkurAkademíunni.

Fyrirlesturinn verður fluttur í fyrirlestrarsal ReykjavíkurAkademíunnar á 4. hæð í Þórunnartúni 2

Details

Date:
21. nóvember 2019
Time:
12:00 - 13:00
Event Categories:
,
Website:
www.akademia.is

Organizer

Félag ReykjavíkurAkademíunnar
Email:
ra@akademia.is
Website:
www.akademia.is

Venue

Fundarsalur ReykjavíkurAkademíunnar
Þórunnartún 2
Reykjavík, 105 Iceland
+ Google Map
Website:
www.akademia.is