Þorgerðarmál

til minningar um dr. Þorgerði H. Þorvaldsdóttur, sagn- og kynjafræðing, sjálfstætt-starfandi
fræðimann í ReykjavíkurAkademíunni og sérfræðing
hjá Sagnfræðistofnun Háskóla Íslands

Markmið Þorgerðarmála er að varpa ljósi á framlag dr. Þorgerðar H. Þorvaldsdóttur, sagn- og kynjafræðings til fræðilegrar og samfélagslegrar umræðu og kynna nýjar áherslur í þeim málaflokkum sem hún brann fyrir.  Þar á meðal má nefna jafnrétti í víðum skilningi, kynjaða menningu og kynjaímyndir. Ennfremur orðræður og hugmyndir sem tengjast „ótrúlegri fegurð íslenskra kvenna“, „hinu jafnrétta norðri“, útvíkkun jafnréttishugtaksins, takmörkum kosningaréttarins, ímyndum rakara- og hárgreiðslustofa og líkamsbyltingum kvenna.

Málþinginu verður streymt í gegnum Facebooksíðu ReykjavíkurAkademíunnar. Einnig verður hægt verður að nálgast upptöku af fyrirlestrum.

Vegna aðstæðna í samfélaginu eru þátttakendur vinsamlegast beðnir um að skrá sig með því að fylla út eyðublað. (kemur síðar)

Dagskrá

Dr. Ingunn Ásdísardóttir, þjóðfræðingur og formaður ReykjavíkurAkademíunnar ses. setur málþingið

Dr. Þorgerður Einarsdóttir, prófessor í kynjafræði við Háskóla Íslands.  Listin að kafa til botns og fljúga hátt í senn

Dr. Guðný Gústafsdóttir, kynjafræðingur og verkefnisstjóri Félagsvísindastofnunar við Háskóla Íslands. Í fótspor Fjallkonunnar

Hafdís Erla Hafsteinsdóttir, doktorsnemi í sagnfræði við Háskóla Íslands.  Konur, klæðnaður og vald. Íslenskar konur í buxum að fornu og nýju

Lilja Hjartardóttir, stjórnmálafræðingur í ReykjavíkurAkademíunni. Konur á markaði  

Hlé með léttum veitingum

Linda Vilhjálmsdóttir, rithöfundur flytur fjallkonuljóðið úr ljóðabókinni Smáa letrið

Björg Hjartardóttir, kynja- og fjölmenningarfræðingur og kennari við Menntaskólann við Sund.  Ferðasaga Margrétar

Dr. Erla Hulda Halldórsdóttir, prófessor í sagnfræði við Háskóla Íslands.  Sagnfræðin, femínisminn og fortíðin

Dr. Ragnheiður Kristjánsdóttir, prófessor í sagnfræði við Háskóla Íslands.  Kvenleg atkvæði, kynjuð rými og líkamleg borgararéttindi

 Dr. Irma J. Erlingsdóttir, prófessor við Mála- og menningardeild, forstöðumaður RIKK GRÓ GEST og verkefnisstjóri EDDU við Háskóla Íslands.  Afbygging sem aðferð. Lestur Þorgerðar H. Þorvaldsdóttur á íslenskum kynjaveruleika

Fundarstjóri: Dr. Ásthildur Elva Bernharðsdóttir, dósent við Háskólann á Bifröst og formaður félags ReykjavíkurAkademíunnar

Skipuleggjendur: Bára Baldursdóttir sagnfræðingur og Lilja Hjartardóttir stjórnmálafræðingur.