Fyrir demóna

Mörður Árnason hefur síðustu misseri unnið að ,opus magnum’ Elsu E. Guðjónsson (1924–2012), textílfræðings á Þjóðminjasafninu, um íslensk refilsaumsverk, aðallega kirkjuleg klæði, frá fyrri öldum. Bók Elsu heitir: Með verkum handanna: Íslenskur refilsaumur fyrri alda, og kemur út í mars ef allt fer vel. „Elsa lést áður en henni auðnaðist að ljúka verkinu og ég var fenginn til liðs við Lilju Árnadóttur við lokafráganginn. Í öndveginu verður sagt frá bók Elsu og fjallað um ýmis úrlausnarefni sem upp koma við útgáfu texta höfundar sem er fallinn frá. Lilja ætlar að koma líka og segja nokkur orð um refilsaumstæknina sjálfa — norrænan kvenlægan handíðaarf sem varðveittist á Íslandi. — Kunnasta refilsaumsverk sögunnar mun vera Bayeux-refillinn, um sigur Vilhjálms bastarðs við Hastings 1066, eftir normannska vefara, afkomendur Göngu-Hrólfs og félaga.“

Lilja Árnadóttir, fyrrv. munastjóri á Þjóðminjasafninu

Elsa E. Guðjónsson textílfræðingur — með eigið prjónles