Fyrir félaga í Félagi ReykjavíkurAkademíunnar

Ekið verður í Herdísarvík og þar rölt niður í gæfa og gjöfula fjöru þótt ég geti ekki lofað ykkur að finna klóblöðku. En það er aldrei að vita. Söl eru þar í ríkum mæli, klóþang með þangskeggi, líklegast bóluþang, maríusvunta, hugsanlega purpurahimna og svo margt margt annað.. Með í för verður dr. Karl
Gunnarsson, helsti þörungafræðingur landsins svo ekkert getur farið úrskeiðis.

Ég hafði vonast til að við gætum tekið hús á skáldinu og slegið upp veislu. En húsakynnin eru í niðurníðslu og ónothæf. Við komum með nesti, heimabakað þangbrauð og sjávartrüffelost. Drykkjarföng sjá menn um sjálfir. (sjá karlar og konur um sjálf).

Rétt er að klæða sig eftir veðri, gúmmistígvél eru nauðsyn, fer gjarnan í pollabuxur, kuldaskræfa sem ég er, fer ég í fingravettlinga og þunna vatnsþétta hanska yfir.
Annað sem rétt er að hafa með eru fötur og eða plastpokar fyrir uppskeru, hníf eð lítil skæri til að tína þörunga á sjálfbæran hátt.

Við söfnumst saman hérna í Þórunnartúni um kl 10 – 11, nánari tímasetning kemur seinna og skiptum okkur niður á bíla.
Hlakka til
Guðrún