(354) 562 8565 ra@akademia.is

Loading Events

« All Events

  • This event has passed.

Minnistækni og úrvinnsla tilfinninga

29. nóvember 2018 kl. 17:00 - 19:00

Minnisteikningar

Dr. Unnur Guðrún Óttarsdóttir listmeðferðarfræðingur flytur fyrirlesturinn „Unnið úr tilfinningum og námsefni lagt á minnið með minnisteikningum” í ReykjavíkurAkademíunni. Tilefnið er niðurstöður minnisteiknirannsóknar sem birtar voru nýlega í tímaritinu Art Therapy OnLine (ATOL).

AÐGANGUR ER ÓKEYPIS EN SÆTAFJÖLDI TAKMARKAÐUR.
ÞVÍ ER NAUÐSYNLEGT AÐ SKRÁ ÞÁTTTÖKU.

Unnur mun flytja fyrirlestra um niðurstöður rannsóknarinnar í ReykjavíkurAkademíunni, Þórunnartúni 2 /Skúlatúni 2, 4. hæð á eftirfarandi dögum:
Laugardag 24. nóvember kl. 15:00–17:00
Þriðjudag 27. nóvember kl. 12:00–14:00
Fimmtudag 29. nóvember kl. 17:00–19:00
Rannsóknin var framkvæmd í tveimur hlutum. 134 þátttakendur tóku þátt í þeim hluta þar sem áhrif teikninga og orða á minni voru borin saman. Þeir voru beðnir um að teikna merkingu orða og skrifa orð niður. Sumir rifjuðu upp orðin og teikningarnar þremur vikum eftir upphaflegu minnisæfinguna og aðrir rifjuðu upp níu vikum seinna. Rannsóknin sýndi að teikning er áhrifarík minnistækni þegar til langs tíma er litið. Þátttakendurnir mundu að jafnaði fimm sinnum fleiri myndir sem þeir höfðu teiknað heldur en orð sem þeir höfðu skrifað níu vikum áður. Rannsókn á minni og teikningu sem nær yfir svo langan tíma hefur eftir því sem best er vitað ekki verið gerð áður. Í öðrum hluta rannsóknarinnar var sjónum beint að því hvernig minnisteikningar geta auðveldað fólki úrvinnslu tilfinninga samhliða námi. Rannsóknin er sett í samhengi við þekktar aðferðir, kenningar og rannsóknir af svipuðum meiði. Áhorfendum á fyrirlestrinum er boðið að taka þátt í teikningar- og skrifæfingu sem skýrir hvernig hluti rannsóknarinnar var framkvæmdur. Æfingin veitir persónulega innsýn í það hvernig teikning og skrif hafa áhrif á minni.

Details

Date:
29. nóvember 2018
Time:
17:00 - 19:00

Organizer

Unnur Óttarsdóttir

Venue

ReykjavíkurAkademían
Þórunnartún 2
Reykjavík, 105 Iceland
+ Google Map
Website:
www.akademia.is