Fimmtudaginn 22. nóvember fjallar Árni Finnsson, formaður Náttúruverndarsamtaka Íslands, um Aðgerðaáætlun ríkisstjórnarinnar í loftslagsmálum. Áætlunin var kynnt 10. september sl. af sjö ráðherrum og sögð mjög metnaðarfull.

34 aðgerðir
• Megináhersla á orkuskipti í samgöngum og átak í kolefnisbindingu
• 6,8 milljarðar í verkefni í loftslagsmálum á 5 árum

Jafnframt kom fram að áætlunin væri ekki fullmótuð. Hvað vantar? Er um að ræða eina áætlun eða tvær?

Nýleg skýrsla Milliríkjanefndar Sameinuðu þjóðanna um loftslagsbreytingar sýnir að gríðarlegt átak alþjóðasamfélagsins þarf til að jörðin haldist byggileg. Hvar stendur Ísland?